Gabinete ta kibra kontrato mionario ku Deloitte

82
Deloitte ta kobra 6 mion sin kumpli
DEN HAAG—Gabinete hulandes a kibra un kontrato mionario ku kompania di konseho finansiero Deloitte.

E kompania di konseho i accountancy mester a implementá un proyekto di IT pa hur personal eksterno pero no a kumpli segun minister Van Nieuwenhuizen. E introdukshon di e proyekto DigiInhuur lo a kosta alrededor di 6 mion euro. Gran parti di e plaka a keda paga kaba. No ta konosí si e ministerio di Infrastruktura i Waterstaat lo kobra Deloitte bek. Bureau ICT-Toetsing (BIT) ku ta evaluá proyektonan grandi di ICT pa gobièrnu, a atvertí Van Nieuwenhuizen aña pasa ku no tabata bai bon ku e proyekto DigiInhuur. E minister a disidí di duna Deloitte un chens mas. Pero na mart e minister a konstatá ku e kompania ainda no ta kumpli ku kondishonnan di e kontrato. Hasta a duna Deloitte un luna mas, pero sin resultado.