Gileon Garmes i Rudson Peitersz a pasa forma parti di Cache Royale

1053
Unda ku tin moveshon, ‘E Mulina’, ta saka informashon.

WILLEMSTAD,—-No ta na Kòrsou, Aruba i Boneiru so tin moveshon nan kayente ta tumando lugá. Na Hulanda tambe tin moveshon nan hopi pero hopi interesante ta tumando lugá. Ayera den ora nan di atardi di Kòrsou, ‘E Mulina’, a haña informashon ku tin moveshon nan ta tumando lugá den agrupashon musikal Cache Royale.

‘E Mulina’, a su fuente na Hulanda a kana yega nèt na momentu ku tabatin un reunion tumando lugá entre tres persona i esaki nan tabata Richel Calister ku ta gerente di Cache Royale i dos músiko ku den pasado tabata forma parti di agrupashon musikal DREAMS.

Ta trata ki di pianista Gileon Garmes i e Kaybaordman Rudson Pietersz. T’asina ku e tres persona nan aki tabata sinta na Flamez Den Haag. ‘E Mulina’, su fuente a logra na haña informashon ku ámbos músiko esta Giloen i Rudson a pasa forma parti di agrupashon musikal Cache Royale.

Esaki sin duda ta un super bon zèt di parti Richel Calister, paso den un tiru e la logra na grap dos super talentoso músiko. Otro informashon ku ‘E Mulina’, ta disponé di dje ta bisa ku e chèns ta hopi grandi ku den luna di òktober e agrupashon musikal Cache Royale por ta na Kòrsou pa algun presentashon i e dos músiko nan nobo tambe lo bai tei.