Hopi intrakilidat bou di enfermeronan; rechaso pa lei nobo

138
rechaso den kuido pa lei nobo enfermeria
DEN HAAG—Introdukshon di un enfermera nobo a soru pa gran intrankilidat bou di míles di trahadónan ku eksperensia.

Un komishon di akshon ta eksihí pa kita e lei di reforma di enfermeria for di mesa. Minister Bruno Bruins (Medische Zorg) kier pa e lei BIG II hasi distinshon entre enfermeronan riba nivel HBO i MBO. Pa e prome grupo ta introdusí e funshon enfermero di regie. Na yuni minister a presentá e areglo di transishon di e lei nobo, firmá pa doñonan di trabou, sindikatonan i organisashonnan di profeshonal. Den e presentashon a bira kla ku solamente un parti limita di enfermeronan aktual ta bini na remarke pa e funshon nobo. Gran mayoria mester sigui rekapasitashon pa bira ‘regieverpleegkundige’. E lei nobo ta soru ku koleganan ku tin hopi eksperensia ta keda degrada, segun Jacobs di komite di akshon. Ta aprse manera e eksperensia aki ratu no tin balor pasobra nan no a sigui e bon edukashon. Solamente enfermeronan ku a studia despues di 2012 na hogeschool ta keda asepta outomatikamente. E enfermeronan ta preokupá kiko e areglo di transishon ta nifiká pa nan karera. E anunsio di minister a yega na un momento delikado pasobra tin negosashonnan difisil di kontrato laboral den hospitalnan i e skarsedat riba merkado laboral ta grandi. E lei por nifiká mas retiro di enfermeronan riba sierto nivel.