Kècher dominikano di Yankees…. Gary Sánchez ta spera di ser aktivá bèk pa fin di siman

82
Gary Sánchez ta spera di ser aktivá bèk pa e fin di siman aki.
BALTIMORE – E kècher dominikano di New York Yankees, Gary Sánchez, ta sigui avansá den su proseso di rehabilitashon i probablemente lo e por ta bèk e fin di siman benidero na Toronto, segun informashon brindá pa e propio mènedjer di e ekipo, Aaron Boone.

Pero promé ku esaki sosodé, Sánchez, kende no a mira akshon  for di dia 23 di yüli último, debí na un leshon na su batata di pia robes, lo mester hunga algun enkuentro di rehabilitashon promé ku e ekipo di Tripel-A Scranton/Wilkes-Barre awe djarason i mañan djaweps.

E plan ta pa Sánchez kècha den ámbos wega i si tur kos bai bon e lo por bolbe bèk riba e ròster aktivo di e ekipo di Yankees i lo por ta presente durante e seri kontra Toronto Blue Jays. “Ban spera ku tur kos lo bai bon pa asina e por djòin e ekipo na Toronto i ser aktivá durante e fin di siman”, asina Boone a remarka.

Sánchez a kompaña e ekipo di Yankees djaluna último na Baltimore, unda e la realisá algun tiru pa segunda base. E dos weganan di rehabilitashon di Sánchez na Scranton lo ta durante un seri d tres enkuentro kontra e ekipo Charlotte Knights, ekipo filial den Triple-A di White Sox.