Maduro ta pidi pa ‘prepará pa batayá’ si Trump blòkia Venezuela

94
Maduro a papia i pidi pueblo para kla via tur kanal di televishon i radio di e pais. Na Repúblika Dominikana

CARACAS – E gobernante di Venezuela, Nicolas Maduro, a pidi venezolanonan pa prepará nan mes pa batayá si e presidente di Estádos Unídos, Donald Trump, sigui ku su menasa ilegal i kriminal di imponé un blokeo òf karentena na e pais.

Den un akto di gobièrnu, kua a keda transmití di forma obligatorio na radio di kanalnan di televishon, Maduro a pidi venezolano pa prepará nan mes si ta pretendé di tin un karentena kontra Venezuela. Esaki indikando ku Venezuela lo no keda blòkia pa niun hende.

E gobernante a afirmá ku e pais den un union militar, lo rechasá e deklarashonnan di Donald Trump pa ku un supuesto blokeo, miéntras el a pidi tantu Forsa Armá Nashonal Bolivariano komo e pueblo di Venezuela pa ta atento.

Maduro a hasi e afirmashonnan aki apesar ku for di aña 2017, na momentu ku e atministrashon Trump a kuminsá imponé sanshonnan personal kontra dje, el a denunsiá ku regularidat, e eksistensia di un supuesto blokeo.

Den mesun rosea, Maduro a referí su mes den oranan di djabièrnè na e embahador di Venezuela dilanti ONU, Samuel Moncada, a presentá dilanti Konseho di Seguridat, e menasa ilegal i kriminal di Donald Trump pa ku un blokeo.

Trump di su banda a atmití ku e ta konsiderá un blokeo òf karentena pa ku Venezuela, mei mei di e tenshon ku su atministrashon ta mantené pa ku e gobièrnu di Maduro.

Konsultá pa periodistanan na White House, si e ta konsiderando un blokeo pa ku Venezuela, Trump a kontestá ku si, pero sin duna mas detaye di esaki.

E gobernante venezolano a atvertí na e imperialismo kriminal ku nan lo no por ku Venezuela i ku awanan di su pais lo ta liber, soberano i independiente.

Segun Maduro, e ‘menasa’ di Trump ta demostrá su desesperashon i e iritashon di atministrashon di Trump i ta un demostrashon ku Venezuela ta bai riba e kaminda korekto di dignidat.

E tenshon entre Estádos Unídos i Venezuela a intensifiká den e último simannan. Den oranan di djaweps siman pasá Forsa Armá di e pais a denunsiá un inkurshon aéreo di Estádos Unídos den e espasio di Venezuela i a akusá e pais di ke krea un insidente ku e práktikanan aki.

Gobièrnu di Trump di su banda a hasi e strategianan kontra e gobièrnu di Maduro muchu mas duru.