Mayoria hulandes ta keda traha te 65 aña

118
kompanianan ta tuma mas hende riba 55 den servisio
DEN HAAG—E promedio edat pa penshun di trahadónan a subi te 65 aña den 2018, segun estadistikanan di CBS.

Pues hendenan ta keda traha mas largu. Mayoria (58%) di trahadónan ku a baha ku penshun den 2018 tabatin 65 òf 66 aña, kompará ku 10% den 2006. Esaki pa motibu di e oumento poulatino di edat di penshun AOW for di 2013. Den 2018 esaki tabata 66 aña. Konsekuensia ta ku kompanianan ta tuma mas hende riba 55 den servisio. E kantidat di 55+ trahando a subi dòbel entre 2006 pa 2018. Esaki ta bini banda di medidanan pa deskurashá baha ku penshun tempran i e edat di AOW ya ku mas hende muhe ta bai traha, i enbehesementu. E kantidat di 65+ den merkado laboral a subi di 9000 den 2006 pa 81.000 den 2018. Den mesun periodo e kantidat di hende ku ta baha ku penshun prome ku 65 a baha di 88% pa 34%. Gabinete a kompromete den e akuerdo di penshun ku sindikatonan den yuni pa un subida menos aselerá di edat di penshun. Prinsipalmente pa profeshonnan pisá mester por baha mas tempran den futuro.