Michaël Parkinson i Tim Smit ta leshoná…. Ekipo maskulino di vòlibòl hulandes falta dos hungadó klave

102
E dos blòknan sentral Tim Smit(l) i Michaël Parkinson(r) ta leshoná.
AMSTERDAM – E entrenadó prinsipal di e selekshon maskulino hulandes di vòlibòl, Roberto Piazza, durante e torneo pa klasifikashon olímpiko ku lo tuma lugá e fin di siman benidero na Rotterdam, lo no por disponé di e hungadónan Michaël Parkinson i Tim Smit.

Ámbos blòk sentral ta leshoná aktualmente. Awor e ekipo hulandes ta disponé di Fabian Plak, Luuc van der Ent i Twan Wiltenburg komo e posibel kandidatonan pa kubri e posishon den e as sentral.

E selekshon hulandes lo buska su klasifikashon ora ku e enfrentá e selekshonnan di Sur-Korea, Bèlgika i Merka, pa e úniko puesto disponibel pa Tokyo.

E promé enkuentro lo ta mañan djabièrnè kontra di Sur-Korea.