Moonchie Boys a suta The Champs sin kompashon

111
Momentu di un gol den wega Liga 50+.
WILLEMSTAD—E kampionato di futbòl veterano, kategoria pa futbolista di 50 aña di edat òf mas, a kontinuá. Esaki na momentu ku tabatin 4 enkuentro ku a mira akshon riba tereno di Vesta na Sta Maria.

 

D.T.S. vs S.U.B.T.

Un ke otro, na momentu ku tabatin 5 programá pa hunga, pero unu a keda suspendé i lo hunga djaweps benidero. Esaki na tereno di Sithoc na Muizenberg, pa 8’or di anochi, na momentu ku e ekiponan di D.T.S. I S.U.B.T., lo ta enfrentando otro.

 

29 gol den 4 wega

Miéntras ku den e 4 weganan ku si a mira akshon, tabatin un total di 29 gol ku a keda anotá. E partido ku mas gol a konosé tabata e último di dia, unda ku e ekipo di Moonchie Boys a suta e ekipo di The Champs sin kompashon, ku skor di 15-1.

 

Bonam ta gana Abrahamsz

E dia a inisiá ku e ekipo di Bonam logrando nan promé triunfo, ganando di Abrahamsz ku skor di 2-1, danki na golnan di Rogelio Sambo i Richel Baromeo.

 

Nos Kos ta golia Asiento

Despues tabata Nos Kos, ku ta golia Asiento 4-1, unda Gilbert Sambo a anotá na 2 okashon pa e ekipo ganadó.

 

FC Collegial ketu bai sin triunfo

Seguidamente Jimmy Wolf ta skor na 2 okashon pa yuda De Koning gana di FC Collegial, ku ainda no a konosé triunfo den e kompetensia, ku anotashon di 3-2.

 

Goliada sin kompashon

Miéntras ku e último wega di dia tabata e goliada sin kompashon ku skor di 15-1, di Moonchie Boys riba The Champs. Den e wega aki, entre otro Kelvin ‘Kid’ Jansen a anotá na 5 okashon, miéntras ku Alex Garcia a skor 4 gol, pa asina nan yuda nan ekipo logra e triunfo aplastante aki.

Tabata otro fecha ku a konosé bastante fanátiko.

 

Kontinuashon

Despues di e wega di djaweps awó, e kompetensia ta kontinuá djasabra, tambe na Vesta, ku tur e 10 ekiponan, un biaha mas, den akshon.