OM ta pidi 3 aña pa malversashon 4,3 mion den negoshi flor

75
sospechoso a gasta e 4.3 mion na wega di plaka
AALSMEER—OM a pidi 3 aña kastigu di kua 1 kondishonal kontra Mohamed G pa malversashon di 4,3 mion di Royal FloraHolland.

Fiskal ta aksua e hòmber di labamentu di plaka i estafa. E sospechoso a rekonosé su delito. Entre ougustus 2018 pa aprel 2019 G komo trahadó riba departamento finansiero a estafá plaka di e kompania. Esaki pa e por hunga plaka. E sospechoso a link su propio number di kuenta na esun di un kliente. Asina e pagonan tabata bai riba su kuenta bankario. Tambe el a krea debenan di e kompania serka otro kompanianan i ofrese pago den accounting. E kuenta aki tambe ta di dje. Seguidamente e tabata pasa e plaka pa diferente website di wega di plaka. Mayoria di e 4.3 mion euro el a gasta na wega di plaka. Ainda lo tin 850.000 euro riba un kuenta di un kompania na Gibraltar. Royal FloraHolland ta e subasta mas grandi di flor na mundu. E ta prosesá míles di transakshonnan pa dia. E capital anual ta 4,65 bion euro. E kompania ta sigurá kontra robo, pero ta spera di haña parti di e plaka bek di e sospechoso. Dia 20 ougustus korte ta duna sentensia.