Simba, Bolly, El Patrón, Sir MJG, X-Man, Kenlyfornia i Mamba…. E “Players’ Weekend” di MLB lo ta di 23 pa 25 di ougùstùs

82
D.r.p.d. ariba: Simba, Bolly i El Patrón miéntras d.r.p.d abou: Sir MJG, X-Man, Kenlyfornia i Mamba.
NEW YORK – E “Players’ Weekend” (Fin di siman di e hungadónan di liga grandi) ta bèk pa su di tres temporada konsekutivo i un biaha mas esaki lo ofresé e peloteronan di liga grandi e oportunidat di konektá nan mes di un forma muchu mas dibertido i personal ku e fanátikonan pa medio di nan kamisetanan i artíkulonan di e wega.

Ya ta un kustumber ku mayoria di e hungadónan di liga grandi ta uza nan apodo riba nan kamiseta durante di e fin di siman menshoná aki ku ta tuma lugá di 23 pa 25 di ougùstùs próksimo.

Nos peloteronan no ta keda atras i aki ta sigui e nòmbernan ku nan lo uza durante di e “Players’ Weekend” próksimo:

Andrelton Simmons: “SIMBA”, Ozzie Albies: “BOLLY”, Jurickson Profar: “EL PATRÓN”, Didi Gregorius: “SIR MJG”, Xander Bogaerts: “X-MAN” , Kenley Jansen: “KENLEYFORNIA” i Jonathan Schoop: “MAMBA”.

Esaki pues lo ta apodonan ku nos peloteronan di liga grandi lo uza riba nan kamiseta durante e “Players’ Weekend”.