Skema di transmishon di postemporada 2019 di MLB ta konosí

83
Kalendario di Postemporada 2019 di MLB
NEW YORK – Major League Baseball resientemente a anunsiá e kalendario pa loke ta e postemporada 2019, kual lo inisiá ku e enkuentro di ‘wildcard’ bálido pa e liga nashonal, presentá pa Hankook Tire na TBS, djamars 01 di òktober, siguí pa e wega di ‘wildcard’ bálido pa e liga amerikano presentá pa Hankook Tire via ESPN, djarason dia 2 di òktober próksimo.

E promé wega di e seri mundial 2019 lo ser presentá pa YouTube TV na FOX i ta programá pa tuma lugá riba djamars 22 di òktober na kas di e kampion di su liga ku tin e mihó rèkòrt pa loke ta e temporada regular di 2019.

Despues ku e temporada regular, programá pa finalisá riba djadumingu 29 di sèptèmber, konkluí, e posibel enkuentronan di ‘Tiebreaker’ pa loke ta e temporada regular, potensialmente nesesario, lo ser transmití eksklusivamente via ESPN i esakinan lo tuma lugá riba djaluna 30 di sèptèmber.

E serinan di e divishonnan lo start riba djaweps 03 di òktober i ta programa pa finalisá riba 10 di òktober. Pa loke ta e seri pa kampionato di divishon, e promé wega di e liga nashonal ta programá pa start djabièrnè 11 di òktober miéntras ku e liga merikano su seri ta start djasabra 12 di òktober.

Si ámbos seri bai 7 wega, esaki lo finalisá riba djadumingu 20 di òktober ku e di último wega di e seri pa e kampion di liga amerikano.

Manera nos a skibi mas ariba, e seri mundial ta start riba djamars 22 di òktober i si esaki bai shete wega kompletu, e lo finalisá riba djarason 30 di òktober ku e di shete i último wega desisivo.