Tei bende edifisio i lanthùisnan di gobièrnu

2396
Rhuggenaath: un parti importante den e Akuerdo di Kresementu ku Promé Minister Eugene Rhuggenaath a firma ku Raymond Knops ta e klóusula unda ta sugerí pa Kòrsou por bende su aktivonan.
Punda- Un parti importante den e Akuerdo di Kresementu ku Promé Minister Eugene Rhuggenaath a firma ku Raymond Knops, ta e klóusula unda ta sugerí pa Kòrsou por bende su aktivonan. Segun Rhuggenaaath ayera, no ta trata di solamente akshonnan den kompanianan gubernamental sino edifisio i tereno tambe. Entre nan Lanthuisnan.

Segun kontenido di e Akuerdo, Gobièrnu di Kòrsou por kuminsá bende propiedat di Kòrsou. Pero tur benta generá mester wòrdu depositá riba kuentanan di Invest Curaçao. Despues di subi kuentanan di Invest Curaçao, tur lokual wòrdu bendí ta drenta e bolsa di fiansa pa stimulá invershon. Den un otro konteksto por mir’é tambe ku Kòrsou ta bende su propiedatnan i despues yu di Kòrsou mes por bin apliká pa fiansa na Invest Curaçao. E akuerdo ta bastante spesífiko unda ta menshoná e instituto di Invest Curacao. Segun Rhuggenaath na e momentonan aki ta Invest Curacao ta den fase preliminar i ta atendiendo e aspektonan di kumplimentu na Kodifikashon di Gobernashon.