Refineria Isla kla pa risibí barkunan ku krudo for di Venezuela

Segun Earl Balborda:

2304
Refineria Isla: Nada ainda, pero nan ta spera e promé barkunan di krudo yega pa nan por prosesá. Riba e foto Earl Balborda.
Isla—Manera ta konosí algun siman Sr Manuel Quevedo kende ta Minister enkarga ku PDVSA tabata tei i el a trese notisia ku e luna aki e promé barkunan ku krudo lo bini for di Venezuela. Mester bisa si ku ta for di 2018 e promé delegashon di APRI i PWFC a bai Venezuela, biniendo abou ku e notisia ku PDVSA ta sigui interesá den lasonan ku paisnan di Caribe pa lokual ta trata e negoshi di krudo. Nos ta na 9 di ougùstùs i ainda nos no a risibí e promé barkunan.

Den kuadro di esaki Vigilante a hiba un kombersashon ku Sr Earl Balborda kende ta PR di Refineria Isla. Relashoná ku e echo ku ainda e promé barkunan di krudo no a yega, el a remarka na nos ku RDK tambe a duna di konosé ku 1 di ougùstùs lo a anunsiá kua ta e kompanianan ku ta den kontienda pa Refineria Isla. El a rekonosé si ku Sr Manuel Quevedo a hasi un deklarashon públiko ku den ougùstùs barkunan ku krudo lo yega. El a indiká na nos ku nan komo Refineria Isla ta den kontakto estrecho ku PDVSA. Pa lokual ta trata Refineria Isla nan ta kla pa e promé barkunan ku krudo drenta. Asina ku e promé barku ku krudo yega den 4 pa 5 nos ta kla pa prosesá esaki. Di mes no por usa tur e plantanan pareu, pero nos ta kla si, tabata e palabranan di Sr Earl  Balborda.  El a pone énfasis bisando ku nan komo Refineria Isla ta kla, pero no kier a bai den detaye pa loke ta e kòmbersashonnan tumando lugá ku PDVSA.•