Presidente di FIFA tabata di bishita na FFK

481
Gianni Infantino hasiendo e parti ofisial di apertura na tereno di FFK.

WILLEMSTAD—Ayera den oranan di atardi, despues ku tabata programá pa ta  4’or, a resultá 2 ora despues, ku e presidente di FIFA, Gianni Infantino a yega ofisina i tereno di FFK na Brievengat. Un ke otro despues ku a bin bira konosí ku avion lo a baha bastante for di ora.

Un ke otro unda e la saludá esnan presente, pa seguidamente inougurá e yerba artifisial nobo riba tereno i tambe e kamerinnan ku a kaba di wòrdu konstruí.

Tambe e la sigui algun hóben futbolista ku tabata den akshon i a probechá kombersá un ratu.

Seguidamente e la pasa pa sala di reunion di FFK, unda despues di a reuni un ratu ku direktiva di FFK, a tende un rueda di prensa, ku presidente Infantino hibando palabra i kontestando algun pregunta ku a wòrdu hasi na su persona.

E la risibí tambe un bunita regalo komo rekuerdo di su bishita, for di man di presidente di FFK, kual tabata un kamiseta di unifòrm di nos selekshon nashonal ku su nòmber ariba i Curaçao i tambe e number 9. Despues di e rueda di prensa ‘Gianni’  bandoná FFK, debí na otro kompromiso, ku tabata na e Gala Dinner di Jong Holland na WTC.