Sospechoso transportá den tur sekresia pa Hulanda

3830
Willemstad—- Vigilante a tuma nota ku djaweps den oranan di atardi e tim di aresto tabata na aeropuerto Hato pa asina por a pone un sospechoso riba avion pa esaki wòrdu transportá pa eksterior.

Den e kaso aki ta trata di un sospechoso ku a keda arestá resientemente riba Rooseveltweg pa netamente e tim di aresto mes. Tabata dia 2 di ougùstùs último ku e sospechoso aki a keda detené riba Rooseveltweg riba órden di un fiskal di Ministerio Públiko. E dia ei  Kontinuando ku un investigashon relashoná ku un kaso di violashon di lei arma di kandela, maltrato i menasa kontrá di su partner, ku a tuma lugá den luna di mart i aprel 2019, na un kas den área di Buena Vista, polis a hasi detenshon.  Djabièrnè 2 di ougùstùs 2019, alrededor di 18.35or di atardi, riba òrdu di Ministerio Públiko, Tim di Aresto a detené tres hòmber sospechoso den un outo riba Franklin D. Rooseveltweg.

Ta trata di; E.R.C.,di 30 aña di edat, R.D.M., di 30 aña di edat, A.L.G., di 38 aña di edat, tur tres nasé na Kòrsou, komo sospechosonan den e kasonan ariba menshoná.  Durante di un kontròl den e outo a bin haña i konfiská un arma di kandelá.  I tambe a konfiská e outo pa mas investigashon.  A presentá e sospechosonan dilanti di un Fiskal Ouksiliar, ku a ordená nan enkarselamentu pendiente di mas investigashon. Den e kaso aki e sospechoso E.R.C ku ta wòrdu sospechá di a menasa su partner i tambe di a basha bala riba e vehíkulo ku su partner tabata manehá a keda apartá debí ku a bin haña basta mas kaso den su kontra. E sospechoso aki ta wòrdu asta sospecha di ta envolví den e kaso di dòbel asesinato na Weto. Mirando ku ta trata di kasonan basta grandi ku e hòmber aki ta wòrdu sospecha di dje, djaweps último mesora e la wòrdu transportá pa Hulanda na unda e lo wòrdu enkarselá pa asina por kontinuá ku e investigashonnan ku tin habri den su kontra. Debí ku ta hañ’é un  sospechoso basta peligroso i ta forma parti di e kabesante di e geng den aria di Kura Piedra lo tene tur prekoushon den su kaso.