Alerta estuche di telefòn den forma di pistol

1116
Un bista kon e arma no di bèrdat  ta pega na e telefon.

Willemstad—- Sin ke trese pániko den komunidat, Kuerpo Polisial ke alertá pa un kaso di un estuche di telefòn nobo ku ta sirkulando. Ta trata aki di un estuche den forma di un arma di kandelá.

E estuche di telefon den forma di pistol

Durante di un kontròl ku polis a hasi riba un hóben a bin topa ku un estuche den forma di un arma di kandela hinká den su saku.

Un situashon ku kisas sin intenshon maligno di e hóben aki, pero ku a sòru pa konsternashon i asta ku chèns di por a terminá den algu hopi mas serio.

Kuerpo Polisial ta konsehá i atvertí pa mirando e krímennan ku ta asotá nos isla i di kua hopi di nan ta keda kometé ku arma di kandela, pa no kana ku nada ku parse òf tin indikashon di ta un arma di kandela.

Polis lo no duda pa aktua ku e determinashon nesesario i e responsabilidat lo keda pa esun ku a skohe di ta den posishon di e imitashon di arma aki.

Ta pidi komunidat pa tuma bon nota di e komunikado aki.