Ladronnan a bai ku pipanan di koper for di stadion na Kintjan

496
Antisosialnan a bai ku e pipanan di koper.
WILLEMSTAD—Tabata den kurso di e dia di ayera, ku dirigentenan di e ekipo barika hel di Kintjan, S.U.B.T., a tuma nota ku nan lo a haña bishita durante di oranan di anochi/mardugá.

Esaki unda a bin konstatá, ku antisosialnan a bai ku tur e pipanan di koper for di den nan stadion. Algu sigur di lamentá, unda ku dirigentenan ta traha duru pa Stadion Antoine Maduro, miéntras ku deskonosínan ta probechá pa den oranan di anochi, drenta paden i bai ku kosnan, ku ta perhudiká esnan enkargá i hinka nan den gastu, pa por pone tur kos manera tabata bèk.

Un situashon ku tin esnan enkargá man na kabes, pero ku debido atenshon, pa asina evitá ku algu asin’aki por ripití próksimamente. Awor ta trabou pa pone pipanan bek, pa asina tambe e stadion por ta bèk den uzo.