Banko RBC a sera kuenta di sospechoso Troya i bisé e ta un peliger pa nan

251
WILLEMSTAD,—- E sospechoso den kaso Troya di fam Zwanenburg a bisa durante e kaso ayera ku el a haña basta problema despues ku el a keda detené na aña 2015 den e kaso aki.

E la splika ku el a sinta 51 dia den prizòn unda nan tabata sera nan manera kachó pa 23 ora den un sèl na SDKK. El a bisa ku tabata trata nan manera kriminal i ku esaki tabatin hopi konsekuensia pa ku su bida personal. El a asta deklará ku Ministerio Públiko lo a konfiská su outo i e no tabata sa mes.

Mas aleu el a trese dilanti ku ta te despues ku el a mira e outo riba kaya el a bin sa ku OM a bende su outo ku un otro persona. Segun Zwanenburg ku ta despues ku el a kaba di sinta su 51 dia nan, el a bin sa ku a konfiská su outo. Mas aleu el a bisa ku e kaso aki a pone ku a sera su kuenta bankario na RBC, unda a bis’é ku e ta un peliger pa nan. Tambe lo a sera kuenta di su eks kasá na e banko.

Segun deklarashon di e sospechoso ku su yu chikí lo a puntr’e dikon otro hende ta kore su outo, despues ku el a mira esaki riba kaya. Tabata aki ku e sospechoso a bin sa ku a bende su outo ku otro persona.