Barcelona a golia Napoli ku dos gol di Luis Suarez

62
Fot luis: Luis Suarez  ta selebrá ku Antoine Griezmann despues ku e último a skor su promé gol den un unifòrm dje ekipo di Barca.  “ Le Petit Diable” a skor riba un pas’é  dje uruguayo ku porsierto a skor dos dje kuater golnan.
 

MIAMI,  – E plantel di  FC Barcelona a mustra superior na esun di Napoli pa loke tabata e promé partido di buèlta  den e LaLiga-Serie A Cup, pero di otro banda e la desperdisia algun oportunidat kla di gol pa habri e markadó.

E promé e skor tabata 0-0, pero sinembargo resien e partido a inisiá, e ekipo di  Barça a logra habri e buraku i logra un triunfo kontra dje plantel di  Carlo Ancelotti.

Esaki porsierto tabata e penúltimo enkuentro di  pretemporada  pa loke ta e  gira estadounidense ku a tuma lugá na Michigan Stadium dje ekipo di FC Barcelona. Pa loke ta e partido mes esaki a kaba ku skor di 4-0.

Luis Suárez a kulminá e hungada ku e la kuminsá despues ku e uruguayo a sirbi Griezmann pa e estrená komo goliadó den e plantel azulgrana.

Tabata na minüt 48 i for di un rechase di  Meret a surgi un tiru dje delantero franses, na unda e nuebe dje ekipo di Barca a rematá ku perfekshon.

E ekipo di Ernesto Valverde a kombertí  den doñonan dje partido , miéntras ku den 10 minüt na golia Napoli, porsierto ku e promé gol di Griezmann komo barcelonista na minüt 56.

Luis Suárez un biaha mas a logra skor dos gol kontra dje ekipo di Napoli, despues di skor ku derechaso fuerte frontal den aria despues ku e la risibí un pas’é serka  Dembélé.

Kosnan mas Importante dje Partido:

Nápoli: Meret; Hysaj (Di Lorenzo, 62′), Manolas, Chiriches (Luperto, 46′), Ghoulam (Rui, 62′); Allan (Insigne, 46′), Elmas (Zielinski, 46′), Verdi, Fabian; Mertens i  Callejón.

Barcelona: Ter Stegen; Semedo (Vidal, 67′), Piqué (Umtiti, 67′) , Lenglet, Alba; Sergi Roberto, De Jong, Aleñá (Arthur, 67′); Griezmann (Coutinho, 67′), Suárez (Rafinha, 67′) i Dembélé (Abel Ruiz, 75′).

Golnan: Luis Suárez (0-1, m.47). Griezmann (0-2, m.56). Luis Suárez (0-3, m.58). Dembélé (0-4, m.63).

Rèfri: Rubiel Vázquez (USA).  E la duna karchi hel na  Nelson Semedo (54′), Mario Rui (73′).

Insidensianan: Un total di  60.043 a asistí na  Michigan Stadium pa mira e último partido di  Barcelona den  gira  na Estádos Unídos.