Botika na warda no por a bende remedi

Pa fayo di kòmpiuter:

68
WILLEMSTAD—Den fin di siman ku ta tras di lomba suidadanonan ku tabatin di traha nan resèpt a keda konfrontá ku un situashon di atenshon na Botika Nos deseo.

Redakshon di Vigilante a keda aserka pa suidadanonan ku a indiká na nos ku djadumingu ei nan a pasa den sustu di nan bida na momentu ku nan a bai Botika Nos Deseo pa keda konfrontá ku e partisipashon ku no por bende nan remedi.

Djadumingu ei Botika Nos Deseo tabata na warda pa e parti di pabou di brùg. Pa aria di pariba di brùg a tabata Botika Popular.

Den e kaso spesífiko aki e suidadano a konta Vigilante ku e personanan ku tabata traha na Botika Nos deseo a indiká na nan ku no ta por a bende nan remedi debí ku e sistema di kòmpiuter tabata abou. Esaki a trese kuné ku nan no tabata den posishon pa bende remedi. No por a bende remedi, paso nan no ta por a wak e preis. E empleado a duna di konosé na e klientenan ku ta te e siguiente, esta djaluna ku a transkurí por a wak kiko ta pasando ku nan sistema komputarisá. E asuntu aki a dal un dje suidadanonan asina duru ku nan a keda di entrega un keho ofisial na Ministerio di Salubridat.