Gobièrnu a pone 10 mion florin pa kumpli ku Sitek

Pa trata sierto partinan dje kombenio:

54
WILLEMSTAD—Na komienso di aña Sitek a kanta un wèlga ku poko poko e dirigentenan ta tumando nota di avansenan positivo. E avansenan ta asina positivo ku Sitek ta bai kuminsá un aña eskolar nobo ku hopi optimismo.

 

Ta asina ku gobièrnu a bai di akuerdo pa pone 10 mion riba mesa pa kumpli ku sierto kombenionan ku SITEK kua ta enserá e 5 puntonan di doló. Nos a kombersá ku Sr Lio Plantijn kende ta presidente di Sitek i el a Sali indiká na nos ku e aña aki si no tin menasa di wèlga riba mesa promé ku e próksimo aña eskolar kuminsá. El a konfirmá na nos ku e kòmbersashonnan ku nan ta hibando ku Minister Sra Marilyn Alcala Walle ta kanando den bon direkshon. El a mustra nos ku nan ta hañando otro hopi bon. Si ta asina ku el a indiká na nos ku den final di luna di ougùstùs e 10 mion ku gobièrnu pone riba mesa lo pasa den un reunion di Staten ku tin di tuma luga, pero nan komo Sitek ta positivo. El a indiká na nos ku gobièrnu mes a trese pa dilanti ku enseñansa ta prioridat. Konkretamente Sr Plantijn a deklará na Vigilante ku nan komo Sitek ta hopi satisfecho pa e forma ku kosnan ta kanando. El a indiká na nos ku  meskos e por bisa na nòmber dje miembronan di Sitek. Si el a bisa nos ku despues di kaba di atendé e 5 puntonan di doló pa kua nan a wèlga na komienso di aña lo bai pa e otronan. E no por a kòrda di memoria kuantu nan tabata. Si el a mustra Vigilante ku nan ta riba 20 punto di doló. Te awor aki nan ta masha satisfecho pa e manera ku ta atendiendo ku nan puntonan di doló. Resultado di esaki ta ku  kontrali na otro añanan, ku e próksimo temporada eskolar por kuminsá den armonia.