Hospital Laurentius bou di èkstra supervishon pa konflikto den direktiva

93
hunta di supervishon i direktiva ta konsistí di solamente un persona
ROERMOND—Hospital Laurentius na Roermond ta bou di supervishon stringente di Inspekshon di Salubridat.

Segun Inspekshon tin hopi defisit di maneho despues ku henter e Hunta di supervishon a tuma retiro luna pasa. E hunta di supervishon i direktiva ta konsistí di solamente un persona, segun 1Limburg. Inspekshon ta bisa ku tin un situashon di maneho delikado i pa e motibu aki ta pone mei aña bou di èkstra supervishon. Hospital Laurentius a mèldu dia 21 yuli ku e konflikto ku hunta di direktiva tabata motibu di retiro di e hunta di supervishon. Aktualmente tin un presidente temporal, ku lo buska miembronan nobo pa hunta di supervishon. Segun Inspekshon bon supervishon ta krusial pa bon kuido médiko. No ta konosí kon largu e situashon aki lo dura. Inspekshon kier sigui rekuperashon di bon maneho di serka. Dia 19 e hospital mester entregá un plan pa solushoná e problemanan den direktiva i mester duna ‘update’ kada dos luna. Durante e supervishon Inspekshon por hasi un bishita sin previo aviso na e hospital.