Mama ketu bai yorando pèrdida di dos yu i su pareha

Durante likidashon di sinku persona dilanti toko den Buena Vista

5626
Sitio unda e kaso lamentabel di asesinato a tuma lugá dia 7 di ougùstùs 2017.
Kantidat di huls ku a keda tras na e sitio.
Willemstad—- Ya a pasa dos aña ku un mama a pèrdè su dos yunan i tambe su pareha na momento ku un grupo den un SUV  a yega na Toko Chow den Buena Vista i a basha bala pa loko likidando no ménos ku sinku persona.
Vehíkulo ku a keda hòrtá na Otrobanda i usa den e kaso di likidashon.

Tabata na aña 2017 pa ta mas eksakto dia 7 di ougùstùs  ku dos ruman a opta pa parti un salu debí ku nan tabata di kumpleaño. Ta trata di un ruman ohochi. Nan a opta pa hasi e fiesta djis den serkania di nan kas nèt banda di Toko Chow ku ta keda den  Jamaicaweg ku ta den e bario di Buena Vista. Ta trata di un sitio unda sa tin aglomerashon di hende kasi henter dia.   E dia ei for di den oranan di atardi tabatin bebida pa tur esnan presente nèt  dilanti di e kasita ku ta keda nèt pega ku e  kantor di number den  Jamaicaweg.

Kasita kaminda e grupo tabata sinta a keda tur na buraku di bala.

Dado momento un Suv pretu mester a kore para nèt dilanti di e kasita unda e grupo tabata fiesta i algun okupante mester a baha for di e vehíkulo hasiendo uso di arma outomátiko i tambe basta potente a kuminsá basha bala riba tur hende ku tabata presente. Un gran kantidat di persona a resultá herida pa bala di kual sinku persona a bin fayesé. Entre esnan ku a bin fayesé tabatin e ruman ohochi ku nèt e dia ei a hasi aña i tambe nan tata di kriansa ku tabata huntu ku nan fiestando pero a bin pèrdè nan bida. Mama di e dos hóben nan ohochi Jose Luis i Luis Jose Belen, nasé na Sto. Domingo, dia 7 ougùstùs 1995 ketu bai ta lamentando ku su yunan a keda likidá i tambe su pareha kual ta  Ramses Egberto St Jacoba alias Kaki Vargas , nasé na Kòrsou 24 aprel 1965. Riba e anochi di e tiramentu e tata di kriansa di e ruman ohochi a logra pa por tabata riba pia riba propio forsa, unda inkluso e tabata kana na e sitio i a wak su yunan sin ta duna señal di bida na suela miéntras e mama tabata tene unu su man.

Dos aña pasa Mama teniendo man di su yu ku e speransa ku e lo sobreviví.

Ya a pasa dos aña ku e famianan di e víktimanan no a tende nada mas di parti di outoridat kon a  sigui ku e investigashon. Si nan a tende ku a haña e vehíkulo ku a ser usa e mesun dia kima na Shut kual a bin resultá di ta un SUV ku a ser hòrta den Otrobanda na altura di AVU durante ku tabatin un fiesta den Riffort. Asta a tende ku a logra di haña sa ken ta esun ku a hòrta e vehíkulo pero nada mas no a sosodé. Tambe tabata sirkulá vershon di dos di e sospechosonan ku a baha e dia ei i basha bala i asta tin e informashon ku sigur esun ku kurpa korpulento ku tabatin e arma pisa den su man awor aki lo ta sera pa otro kaso di asesinato. Sigur famianan di e sinku víktimanan ta sigui  karga e speransa ku un dia e kaso lamentabel unda sinku persona a keda asesiná den Jamaicaweg lo wòrdu resolvé.