Nuebe kurpa sin bida lokalisá den saku di plèstik na México

317
Sakunan den kua algun di e kurpanan sin bida a keda hañá.

CIUDAD DE MEXICO – Den e último 48 oranan tras di lomba, e restunan di nuebe persona a paresé den un sakunan di plèstik tirá pafó di e lokalidatnan oriental di e estado mehikano di Veracruz.

Segun reportenan ofisial, e kurpanan sin bida a keda bandoná den dos diferente zona na sentro i nort di Veracruz, un region ku tin un dékada den un violensia relashoná ku diferente gèng nan narkotrafikante.

E promé echo a keda registrá den oranan di djaweps atardi na e munisipio di Maltrata, unda 15 saku di plèstik a keda hañá ku restunan humano.

E fiskalia general di e estado a informá ku na altura di un sitio konosí komo El Paso del Conejo, kuater persona, kendenan tabata falta algun parti di nan kurpa, a keda hañá tambe den algun saku di plèstik. Esaki nan te ainda no a logra keda identifiká.

Miéntras ku, segun e Sekretaria di Seguridat Públiko, a sigurá den un komunikado di prensa, ku e víktimanan probablemente tabata originalmente di e estado sentral di Pueblo, bisiña di Veracruz.

Den oranan di ayera, djabièrnè, na e komunidat di Las Higueras di munisipio di Vega de Alatorre, nort di e estado, sinku kurpa sin bida a paresé den diferente sakunan tambe.

Tabata trata aki di kuater hòmber i un hende muhé ku aparentemente a keda torturá i kende su restunan a keda bandoná na un kaminda di tera.

Den ámbos kasonan, investigashonnan di outoridatnan a inisiá i a presentá pa bai ku diferente pruebanan for di e sitio.

Segun medionan di komunikashon di e pais, na Veracruz, tin e kartelnan di los Zetas, Jalisco Nueva Generacion i del Golfo, kendenan ta enemigu te na morto pa asina tin e kontrol teritorial.

Esaki nan ta bringa pa rutanan di transporte di droga i paso di migrantenan.