Outo ta alkansá dama na altura di Pòst 5

82
Pòst 5 unda e aksidente entre di e dos vehíkulonan a tuma lugá.
Dama víktima na suela hañando asistensia.
Willemstad— Un aksidente un poko pekuliar a tuma lugá ayera den oranan di anochi na altura di Pòst 5 ora ku outo a alkansá un dama pone ku e la sufri fraktura na su man.

Ayera den oranan di anochi un dama ku tabata manehando un vehíkulo riba Schottegatweg West na altura di e lusnan di tráfiko na e entrada di Pòst 5 a baha for di su vehíkulo pa asina por a bai wak algu na e parti padilanti di e vehíkulo ku e tabata manehá.

Un bista na e daño material.

Un ratu despues un pikòp ku tabata aserkando a kore bin dal violentamente tras di e outo pone ku esaki a bai dilanti i a dal e dama benta abou. Debí na e impakto i tambe e kaida e dama a in fraktura su man i a keda transportá pa Poli. Polis a keda enkargá ku e aksidente.