Sospechoso a kumpra outo hòrtá riba página Facebook

392
WILLEMSTAD,— E sospechoso G.M. durante tratamentu di su kaso ayera, a bisa ku ta riba un página di facebook lo e mester a mira ku ta bende un outo, unda despues esaki a bin resultá di ta hòrtá.

El a bisa ku el a subi e página ‘Bende bo ko’i kareda’ riba Facebook i tabata aki ku el a topa ku e 2 latino nan ku tabata bende e outo di marka Kia Picanto. E sospechoso a trese dilanti ku el a bai topa e persona nan unda el a kumpra e outo.

Wes a trese dilanti den e kaso ku si ta asina G.M. lo mester a puntra pa e papelnan di e outo i tambe plachi di number. Pa esaki a kastigá e sospechoso na kastigu di trabou di 120 ora, mirando ku e no por a proba ku e no tabata sa ku e outo ta hòrtá. Wes mr. van Gink a bisé ku nan no ta kere su deklarashon, esta ku el a kumpra e outo via e página i despues no a puntra pa e papelnan.