Sospechoso asesinato ya a kita bida di su kasá na Bèlgika den pasado

999
Sospechoso den kaso asesinato.
WILLEMSTAD,— E hòmber Geraldino Martiena tabata dilanti wes ayera pa un kaso di asesinato ku e mester a kometé, unda e víktima di fam Bremer a bin pèrdè su bida a konsekuensia di vários hinka ku el a risibí.

Tabata un konosí di e sospechoso ku lo a bin pèrdè su bida unda ta bisa ku ta Martiena lo mester ta responsabel pa esaki. Tur esaki despues ku a mira e outo ku e tabatin di hür den serkania di e suseso, unda Martiena ta para ariba ku e no tabata tei ei nan. Segun e sospechoso ku e mainta ei algu mas trempan ku e suseso lo a tuma lugá, e la mira e víktima unda e la fi’e su outo.

Segun e sospechoso Martiena ku tabata na e momentu ei ku el a bai direkshon Banda Abou, mirando ku e kier a bai rilèks. Primeramente Martiena a deklará ku e la bai Banda Abou ku konvoi, unda ayera den sala di korte el a kambia su deklarashon. El a splika ku e la haña kabes di boto serka un persona, kual tabata un turista riba nos pais.

Loke wes a pone hopi atenshon riba dje den e kaso aki ta e echo ku e sospechoso a bisa ku ta kuartu pasá di 7 di mainta lo mester a haña kabes di boto serka un persona, unda di otro banda un testigu a bisa ku ta e mesun orario ei, lo el a mira e sospechoso den aria di Baya Beach. Otro punto ku sigur a hala atenshon di wes ta e echo ku outopsia a proba ku e promé hinka ku e víktima a haña, e tabata para riba su pia na e momentu ei.

Tambe a bin dilanti ku e persona ku lo a kita bida di e víktima, lo a bringa kuné promé ku e hink’e mirando ku a bin haña algun marka na kurpa di e víktima. Segun outopsia ku e marka nan ku e víktima tabatin na su kurpa, ta paresido na esun ku a haña na kurpa di e sospechoso. Wes a puntra Martiena ayera durante e kaso, ku e por splika e marka nan ku e tabatin na su kurpa na momentu ku el a e detené, unda el a kontesta ku ora e la bai landa na Sta  Cruz i ku tabata aki ku e la kai riba baranka i leshoná su kurpa.

Mas aleu a bin dilanti ku Bisiña nan a deklará ku nan a mira e sospechoso Martiena su outo pará na e kas unda e víktima ta biba tur dia. Segun e bisiña nan ku e outo di Martiena tabata pa por lo ménos 3  dia pará na e kas, unda ta indiká ku e tabata drumi na e kas ei. A bai den registro unda a bin topa ku e sospechoso aki lo a tabata será kaba den pasado pa kaso asesinato.

Segun e historial di Martiena ku el a kai será na Bèlgika, despues ku el a kita bida di su kasa. El a bisa ku esaki ta su pasado i ku e no kier papia di esaki. E sospechoso no por a deklará ayera dikon el a kambia deklarashon, unda si el a añadí ku e no kier koperá ku sikiater pasó nan ta skibi kos ku e no a bisa.