Supervishon mas intensivo riba Hospital

116
Willemstad – For di bishitanan di Inspekshon ku resientemente a tuma lugá na Hospital St. Elisabeth i porsierto for di e komunikado di prensa di Bestür di di e Staf médiko di Hospital St. Elisabeth di 6 di ougùstùs 2019  a resultá ku e défisit di medionan, material i sierto remedi a empeorá. Relashoná ku esaki Inspektor di Salú a disidí pa intensivá e supervishon skerpi ku tabatin kaba riba e punto aki te na un instrukshon.

 

Aunke den pasado (2018)  a palabrá e konstrukshon ku via medionan finansiero adishonal via di SVB lo paga provedornan direktamente mediante un lista di medionan nesesario di e hospital, den práktika esaki no a keda sufisientemente establesé. E biaha aki mester garantisá e konstrukshon aki totalmente. P’esei Inspekshon a duna hospital un instrukshon konforme Artíkulo 14 di e Ordenansa di Inspekshon pa kual hospital di forma inmediato i periódiko mester pone na disposishon di SVB un lista aktualisá di remedi i medionan nesesario, material i kreditornan korespondiente i demas informashon relevante pa basá riba prioridatnan riba e lista, SVB paga kreditornan direktamente te un próksimo aviso. E prioridatnan riba e lista aki

ta keda establesé atraves di konsulta entre hospital i SVB guia pa e nesesidat di remedinan, medionan i materialnan, mas ku ta nesesario.

Den kuadro di e supervishon mas intensivo riba Hospital St. Elisabeth, Inspekshon lo ta presente tambe semper durante e konsulta di prioridatnan pa asina monitoriá e proseso di aserka.

E pagonan aki direktamente via SVB ta para lòs for di e diskushonnan relashoná ku presupuesto i debenan. E “claim” di Hospital St. Elisabeth riba gobièrnu a resultá di no ta opvio tampoko inequivoko, mirando e echo ku na banda di gobièrnu mes tambe tin montantenan ku no a risibí di hospital. E investigashon di parti di Inspekshon, ku ta wak tambe prosesonan di kuido, ainda ta kanando. Pagonan na provedornan ku e meta pa garantisá kontinuidat i seguridat di kuido di pashènt no por warda riba un aklarashon total di e situashon.