‘Ta inkreibel kon e sospechosonan prinsipal no ta skucha kastigu i agente nan si’

103
Abogado mr. Vaders kuestioná e echo ku e sospechoso prinsipal no a skucha demanda di prizon.
WILLEMSTAD,—- Despues ku ántayera Ministerio Públiko tabatin nan rekisitorio den e kaso di Troyai a pidi kastigu, ayera abogadonan a pleita pa nan kliente nan.

Tur esaki despues ku Ministerio Públiko representá pa fiskalnan mr. Mul i tambe mr. Mul tabatin un rekisitorio di mas ku 4 ora, unda a pidi pa kastigá e sospechosonan na kastigu di prizòn, miéntras tambe a pidi pa konfiská montante grandi di plaka for di nan.

Abogado mr. Vaders kende tabata na defensa di e sospechoso Zwanenburg ayera tabata fuerte den su pleitu, unda el a bisa ku ta imposibel ku e sospechosonan prinsipal mes no a skucha demanda di kastigu di prizòn i e agente nan a skucha demanda di kastigu di prizòn i tambe mester paga montante nan grandi.

Ta trata aki di e kaso unda Itzhak Grynsztein lo a bai drenta un dil ku Ministerio Públiko di Hulanda pa asina e por haña redukshon di kastigu. Tabata den luna di aprel tras di lomba ku Grynsztein a manda un karta di basta paginá unda e la indiká ku e ta dispuesto na papia tur kos tokante e kaso. Ministerio Públiko na Hulanda a hasi demanda di kastigu di kastigu pa e sospechoso Grynsztein, unda a bin nota ku e no mester bai prizòn.

Tur esaki despues ku e la koperá i a papia abiertamente tokante e kaso. E la keda skuchá komo testigu den kaso Troya unda el a bisa ku e no a deklará bou di preshon, esta ku e karta ku el a entregá 18 di aprel tras di lomba ta boluntariamente. Tambe el a bisa ku ta e bèrdat el a skibi den e karta, kual esaki tabata bou di konseho di su defensa

Abogado mr. Vaders na final di su rekisotorio a bisa wes mr. van Lieshout ku e ta haña inkreibel ku Ministerio Públiko ta pidi kastigu di prizòn pa su kliente, miéntras e sospechosonan prinsipal den e kaso mes no a skucha un demanda di kastigu di prizòn. Den e kaso aki a pidi pa kastigá tur 5 sospechoso na kastigu di prizòn.

Tabata e sospechosonan Zwanenburg, de Andrade i Balaraman ku a skucha un demanda di 30 luna di prizòn den e kaso. E abogado a para ariba ku no por ta posibel ku e agente nan ta skucha demanda mas haltu ku e sospechosonan prinsipal.