Tin un trampa grandi pone riba mesa pa kita Karnaval 2020 for di JAG

236
Tin un plan diabóliko pone riba mesa pa kita temporada di 2020 for di su organisashon.
WILLEMSTAD,—-For di siman pasa ‘E Mulina’, a haña informashon ku tin un plan diabóliko pone riba mesa pa kita e desishon pa duna Fundashon J.A.G. e derecho pa organisá temporada di Karnaval 2020. Mas aleu nos a keda pone na altura ku e persona ku a pone e plan diabóliko riba mesa, den pasado e yega di organisá Karnaval.

For di nos fuente nos a keda pone na altura ku e persona en kuestion ta hasi todo por todo pa Fundashon J.A.G.  For di un fuente ku ta hopi serkano di e departamentu ku ta bai rondó di e fiesta di mas grandi di nos Kultura a bisa ‘E Mulina’, ku dor di e plan markabo di e eks organisadó di Karnaval, tin ku ainda Gobièrnu i Sektor di Kultura no a entre Fundashon J.A.G. e desishon final, esta  anunsiá ofisial ku ta Fundashon J.A.G. ta organisá temporada di Karnaval 2020.

Mester bisa ku djasabra tras di lomba e Fundashon ariba menshoná  tabatin nan promé aktividat rondó di e temporada di Karnaval 2020. T’asina ku durante di e presidente su diskurso ku ta Hubert “Juni” Aniceta, e tabata asina furioso ku e la bisa ku Fundashon J.A.G. tei pa kaba, maske ku tin hende ta traha plan nan maligno kontra di su organisashon.

T’asina ku despues ku Juni Aniceta a kaba di papia e la haña un aplouso fuerte serka tur ku tabata den Curaçao Festival Center. I tambe mester bisa ku loke ku Juni a bisa a bira tópiko di kombersashon. ‘E Mulina’, sin duda ta bai sigui vigilá e asuntu di plan diabóliko aki ku wowo nan di falki . Tambe mester bisa ku nos ta disponé di nòmber i fam di e persona ku a pone e plan diabóliko en kuestion riba mesa, nos ta wante un ratu, te na e momentu perfekto ku ta bin aden kuné.