Venezolano deklará liber  di poseshon 107 kilo mariwana

311
Nan tabata dilanti wes pa poseshon droga.
WILLEMSTAD,— E hòmber Bernardo Seguro, Jose Laguna i William Gonzalez tabata dilanti wes ayera pa un kaso unda nan mester tabata responsabel pa 107.710 gram di mariwana i tambe trafikashon di hende.

Esaki despues ku miembronan di Warda Kosta di Kòrsou lo mester a interseptá un lancha, unda lo a gara basta ilegal i tambe algun kos ilegal. Tabata 23 di aprel tras di lomba ku miembro di Warda Kosta a tuma nota ku un lancha lo a drenta awa teritorial di nos pais.

Mesora a bai direkshon di e boto, pa wak kiko por ta bayendo robes, unda a bin topa ku e lancha ku tabatin basta ilegal riba dje. Tambe a bin haña un kantidat di 107 kilo di mariwana riba e boto. E sospechoso Gonzalez a atmití ku e ta esun ku tabata manehá e lancha, unda el a añadí ku e la bin sa di e droga te na momentu ku nan tabata kaminda pa Kòrsou.

El a bisa ku ta e hòmber Laguna lo a bin bisa nan na bordo ku den e saku nan ku tin riba e lancha di mariwana. Laguna a atmití unda el a bisa ku  en bèrdat e ta esun ku ta responsabel pa e droga. Segun su deklarashon ku e ta esun ku mester a transportá e droga aki pa Kòrsou, pero e no ta e doño di esaki. Mas aleu el a trese dilanti ku e no sa nada di e persona ku tabata na bordo, esta ku e no ta kulpabel di trafikashon di hende.

Gonzalez tambe a trese dilanti durante su deklarashon ku na momentu ku el a yega riba e boto, ya e persona nan tabata tei i e mester a djis manehá nabegá esaki i bin Kòrsou. Seguro a bisa ku e no sa nada di e droga i tampoko e otro persona nan. Segun Seguro ku el a paga pa bin Kòrsou pa e por traha.

A bin dilanti ku un persona riba e lancha a bisa ku Seguro lo a bisa ku e ta doño di e droga, pero el a desmentí esaki ayera. El a para ariba ku e ta inosente, unda a but’é na altura ku sa ku el a yega di kai den man di hustisia pa atrako. A pidi un kastigu di 36 luna di prizòn di pa Seguro, miéntras pa Gonzalez i Laguna a pidi 48 luna di prizòn. Abogado mr. Prevo a defendé tur 3 sospechoso den e kaso.

Wes mr. Van Gink a trese dilanti ayera ku lo e dikta sentensia den kaso di Laguna 30 ougùstùs próksimo, miéntras Seguro a keda deklará kompletamente liber.