Yunan di Kòrsou ku a wòrdu ekstraditá pa Merka ta bek na Kòrsou

Nan ta sera den blòk 6 wardando pa revisá nan kastigu

143
Rònchi Rietwijk ku ta bek na Kòrsou pero ainda ta sera.
Gregg Koeiman si a wòrdu hiba pa Sta Maarten.
Kalala Felicia tambe ta pendiente pa rekobrá libertat fin di luna aki.
Willemstad— Wikènt último e dos yunan di Kòrsou ku a keda ekstraditá pa Merka a regresá Kòrsou na unda mesora a pasa nan pa Blòk 1 den prizon pa finalmente nan bai resultá den blòk 6 entretantu.

E tres yunan di Kòrsou Rònchi Rietwijk, Kalala Felicia i tambe Gregg Koeiman a keda trasladá djasabra último bek pa Kòrsou. E hòmber Gregg Koeiman a keda hiba pa St Maarten na unda e la wòrdu detené promé ku e la keda ekstraditá. E dos otro yunan di Kòrsou  kual ta Rònchi Rietwijk i e hòmber Kalala Felicia  si a wòrdu enkarselá aki na Kòrsou mes. A hinka nan primeramente den Blòk 1 pa despues a trasladá nan pa blòk 6. Fin di e luna aki e duo mester presentá dilanti wes den korte pa asina bai revisá nan kastigu ku nan a haña na Merka pa asina por kambia esaki den e kastigu ku ta wòrdu usa aki na Kòrsou. Den mayoria kaso e kastigu di Merka ta muchu mas haltu ku esun aki na Kòrsou i na momento ku e detenido presentá dilanti un wes pa asina revisá e kastigu ku e la haña nan Merka den mayoria kaso nan ta rekobrá nan libertat. Ta trata di e kaso unda e trio aki a bringa e ekstradishon pa Merka basta largu pero nan final tòg nan a keda hiba pa Merka. Hopi hende a kere ku e trio aki lo bai haña un kastigu basta haltu i pisa mirando e akusashon di sigur dos transportashon basta grandi di droga ku nan tabata wòrdu akusá di dje. Finalmente esaki no tabata e kaso ya ku a trasladá e trio bek  pa nan Pais natal pero ku ainda nan ta enkarselá.