Awe e último letter of intent ta sali for di Kòrsou

279
Chunky Delannoy: Dia 13 di ougùstùs el a manda e promé letter of intent. Awe e ta manda e último

WILLEMSTAD—Lokual ku un i tur ta pendiente p’e ta  futuro di Refineria Isla. Manera ta konosí dia 15 di yüli a sera lista dje kompanianan ku a entrega nan proposishon na PMO.

Den un di nos edishonnan di siman pasá nos a informá ku e luna di ougùstùs aki lo saka letter of intent na e kompanianan enkuestion.  Nos tabatin kontakto ku Sr Chunky Delannoy kende a konfirmá na nos ku for di 13 di ougùstùs el a kuminsá saka esakinan. El a indiká na nos ku 13 di ougùstùs ta dia ku el a saka e promé i ku awe e ta sake e último. E no ta kier a bai den detaye pa lokual ta trata e kantidat di kompanianan ku a entrega oferta aden i ku pa kua nan a manda letter of intent. Den promé instante den e kombersashon di ayera el a mustra os ku a saka diferente, pero despues a mustra riba e echo ku a kuminsá saka nan. Den nos relato di biaha pasa nos a puntr’é kiko ta e ékis kantidat ku nan lo saka , el a kontesta nos ku no, pero no ta kier a bai den detaye pa no perhudiká e negosashonnan. Ayera nos tabata un poko mas spesífiko kuné ku e preguntanan. Tumando na kuenta ku e letter intent ta sali for di Kòrsou nos a trata na puntr’é kua adrès esakinan a ser manda, esta kompanianan establesé na kua pais. Sr Chunky Delannoy no ta kier a bai den detaye.  El  a indiká na nos si ku e planifikashonnan a keda meskos.  Awe ta saka e último letter of intent, tabata e palabranan di Sr Chunky Delannoy. El a ripití na nos ku lokual ku ta sigui riba programa ta yega asina leu ku 1 of 2 kandidato den luna di sèptèmber. For di e 1 of 2 kandidatonan aki lo firma un MOU kuné den luna di òktober, segun deklarashonnan di  Sr Chunky Delanooi. E por ta 1 kompania tambe. E por ta 1 of 2, tabata e palabranan di Sr Chunky Delanooi.  Despues ku logra yega na akuerdo ku esun kompania ku ta gana e subasta lo bai mesa atrobe pa firma e kontrakt final, segun el a mustra nos riba dje ayera. El a pone énfasis ayera mustrando Vigilante ku esaki ta e programá pa tuma lugá den luna novèmber awor.•