Muisjemuis ta lansa e kantika ‘Willemstad King’ ku Morena Louisa

344
No hasi wega ku kos serio.

WILLEMSTAD,—-Remses Rafaela mihó konosí komo e bailarin i rapper Muisje Muis, ta bek despues di basta ratu ku un produkshon propio titulá ‘Willemstad King’. Despues di su álbum debut ‘Riba un Trip’ na 2016, unda Muisjemuis a ser establesé komo e Rei di músika trap antiano, e la kolaborá ku vários artista establesé manera Chaika Danuta i Stanley Clementina.

Tambe Muisjemuis a traha ku algun talento nobo, manera Mozes i P.O.M, i awor e rapper surnameo/ antiano ku tur hende mester pone bista riba dje, Morena Louisa. Diesinku aña pasa, Remses Rafaela, kende ta bini fio un famia musikal i a nase na Kòrsou na 1980, a muda pa Hulanda pa eksplorá su ambishonnan artístiko. Asina a kuminsá un karera ilustro, unda e la djòin e talentoso grupo di baile GROOVEKINGS, kua awó yama La Familia.

Huntu ku e elenco akí, i tambe komo bailarín solista, Muisjemuis a baila den e shownan di entre otro Jandino Asporaat, Isabelle Beernaer, ISH, Roy Julen – e koreógrafo prinsipal di SYTYCD – BATTLE POR FIESTA, Maaspodium i Orkesta Filarmóniko. Na 2016, e la keda nominá den e tòp 5 di e mihó bailarín di Hulanda i asina e aparesé riba portada di diferente revista hulandes te algun ‘billboard’ na China. ‘Willemstad King’ i e influensianan Afro Karibense Baile i koreografía, produkshon i komposishon di kantika, rap i kantamentu, presentashon i aktuashon – nada no ta muchu ekstremo pa Muisjemuis, kende ta kue kada oportunidat tene duru. Ku e oportunidat nan aki, Muisjemuis ke pone Kòrsou kontinuamente den un lus positivo.