Pa di tres biaha sigui ta atraká trùk di pan “ Koki Express”

1890
Willemstad— Un biaha mas den oranan di mardugá Polis mester a bai na e trùk di pan Koki Express situá riba Rooseveltweg pa un kaso di atrako.

 

Ya ta pa di tres biaha den korto tempu ku atrakadónan arma ta presentá na e trùk di pan Koki Express situá riba Rooseveltweg i bou di menasa ta bai ku e benta di dia. Esaki a bolbe sosodé ayera den oranan di mardugá ora ku dos tipo arma mester a presentá di sorpresa i a pone tur hende para ketu pa asina por a poderá di e benta di dia. Despues di tabatin e botin den nan poder, nan a kore bai via di e roi den banda di e barberia bai pèrdè den skuridat. Durante di nan huida nan mester a los tirunan den laira. Polis ku a presentá a bai buska riba e kaminda ku e tiponan a hui i a bin topa ku un huls kual a keda konfiská. E tim di atrako a keda avisá pa presentá un biaha mas na e sitio pa asina por a tuma e denunsia i kontinuá ku e investigashon.