Entrada hudisial den kas despues ku a detené atrakadó

Na Montaña

102
Yegada di e polisnan na e kas na Montaña.
Mesora a drenta den e kas pa asina por a kuminsá ku e investigashon.
Willemstad— Ayera den oranan di atardi e tim di atrako i tambe e polisnan ku ta forma parti di e tim di Mantenshon di Órden Públiko a bai na un kas den e bario di Montaña pa asina por a hasi un investigashon.
A kontrolá tur kaminda asta den e kura.

Tabata despues ku den oranan di atardi a realisá detenshon di un sospechoso ku tabata wòrdu buska pa kasonan di atrako a opta pa bai su kas pa asina por a realisá un entrada hudisial. E motibu ku a bai na kas di e sospechoso tabata pa buska pa prueba pa asina por a sostené e investigashon ku tabatin andando. Tabata e polisnan di e tim di Mantenshon di Órden Públiko  kual tabata e promé nan ku a drenta den e kas sigui pa e reshèrshinan di e tim di atrako. Durante di investigashon den e kas a bin logra di konfiská diferente atributo i otro artíkulonan ku por ta di vital importansha pa ku e investigashon. Durante di e investigashon na e kas a detené un hòmber ku a trata di stoba e investigashon di e reshèrshinan i a bai warda kuné pa mas investigashon.