Entrada hudisial ku dos detenshon pa atrako den Monte Verde

312
E kas na Monte Verde unda a bai pa detené e sospechosonan.

Willemstad— E tim di atrako a logra di realisá dos aresto  enkonekshon ku un investigashon ku nan tin andando den un kaso di atrako.

Polisnan mesora a yega i pone e sospechosonan na suela.

Ayera e tim di mantenshon di órden públiko riba petishon di e tim di atrako a bai na un kas den e bario di Monte Verde pa asina por a realisá un entrada hudisial. Esaki tabata enkonekshon ku un investigashon den un kaso di atrako ku tin andando i tabatin e informashon ku e sospechosonan mester ta kedando den e kas na Monte Verde. E polisnan mesora a yega na e kas i a logra di bres e porta padilanti pa asina por a pasa bai paden. Sin masha hopi resistensia a logra di pone dos hòmber latino ku nan a bin topa kuné den e kas na suela pa asina por a realisá nan detenshon. Mas despues e tim di atrako mes a presentá na e kas i a listra den esaki i a konfiská dos tas ku kontenido. E dos latinonan a keda hiba pa warda pa asina por a kuminsá ku e parti di interogashon.