Tres biaha kaba Cassatie a posponé veredikto di Amerigo Thode

206
Amerigo Thode: Ya ta 3 biaha kaba ku nan a posponé su veredikto. E ta ansioso pa sa kiko lo ta e veredikto. 
WILLEMSTAD—Eks parlamentario Amerigo Thode ta wardando ku pasenshi riba Cassatie.

Manera ta konosí korte di promé instansia a kondena Thode pa e echo ku el a faya ku lei di sekresia. Den apelashon tambe el a pèrdè e kaso.  Sr Amerigo Thode kende ta konvensí ku e no a kometé un echo kastigabel a disidí ku e ta bai Cassatie na Hulanda. Ta asina ku for di komienso di aña e ta wardando e veredikto di parti Cassatie , pero te ainda nada.  Thode a duna di konosé  ku ainda Cassatie no a dikta un veredikto. El a mustra na tres okashon Cassatie a posponé su veredikto. Ta asina ku el a keda notifiká ku den luna di òktober awor, nan lo dikta sentensia. E ta ansioso pa sa kiko por ta e sentensia debí na e echo ku na su konsepto e no a faya ku nada. El a mustra riba e echo ku e mesun mainta Hensley Koeiman a papia na e mesun radio, pero e si nan no a pèrsigui. Nan di ku nan a pèrdè e tape di Hensley Koeiman. Nos dos a papia na e mesun radio  mesun mainta. Ami nan a pèrsigui i Hensley Koeiman no. Nan a pèrdè e tape di Hensley Koeiman. Mi ta bringando  i kaso te final, paso ami no a faya ku nada. Mi ta den mi derechi di por graba. Nan kier kondena abase di un beschikking. Mi a mustra nan ku un beschikking no ta un lei, tabata e palabranan di Sr Amerigo Thode, Mas aleu el a indiká ku na un okashon el a topa fiskal  Guillano Schoop i el a rekordá e titular di hustisia ku ta e mes a dun’é lèsnan tokante leinan penal. El a trata e punto den kaya ku  Schoop.  Thode ta konvensí ku e tin un kaso sólido. Pa por a hiba su defensa asina leu el a hasta komprometé su mes finansieramente. E ta di opinion ku hinter e kaso aki a perhudik’é polítikamente. Ami ta warda mi ta warda nan. Ami no a hasi nada robes. E ta spera ku na momentu ku òktober yega ku nan lo no bolbe posponé su veredikto.