Turistanan atraká riba Tereno na Baya Beach

77
E turistanan a kaba di stashoná e vehíkulo pa nan kana na pia un ratu i a keda atraká.
Willemstad— Polisnan di Politur mester a bai riba e tereno na Baya Beach pa un kaso di atrako ku mester a tuma lugá den oranan di mèrdia.

Ta kasi tur dia tin ladronisia den outo riba e tereno di Baya Beach pero ounke esaki Gobièrnu no ta laga pone bòrchinan ku ta indiká ku ta un teritorio ku turistanan mester ta pone mas atenshon riba nan pertinensha i òf vehíkulo. Ayera no tabata trata di un kaso di ladronisia den outo pero si un kaso di atrako. Un famia turista ku a opta pa stashoná e vehíkulo ku nan a bai Baya Beach kuné pa asina kana i atmirá e paisahe a keda atraká. Segun e víktimanan tabata un vehíkulo kolo blou ku a yega para den nan banda i dos tipo mester a baha for di esaki i a menasa nan i kita nan tas bai kuné.  Den nan tas nan tabatin tur nan pertinensha nan i tambe plaka. Polisnan di Politur a bai na e sitio pa despues a pidi presensia di e tim di atrako pa asina nan por kontinuá ku e investigashon.