Abogado a pidi wes tene kuenta ku situashon di Venezuela

302
WILLEMSTAD,— Abogado mr. Martha a pidi wes pa tene kuenta ku situashon di e hòmbernan Juan Bustillo i Jose Semejal, kual ámbos ta nasé na Venezuela. Nan a keda akusá di trafikashon di hende, unda nan a keda kastigá pa esaki.

Nan ta wòrdu sospechá ku 13 di mei tras di lomba nan mester tabata responsabel pa trafikashon di hende, unda nan atmití esaki durante e tratamentu di e kas. Nan a trese dilanti ku e situashon di Venezuela ta pone ku nan ta kontribuí e trafikashon di hende via di boto aki na Kòrsou i ku esaki ta parti di e nan desesperashon.

Segun e akusadonan ku nan famia na Venezuela no por kome i ku ta un mihó bida nan ta bin buska aki na Kòrsou. Fiskal i wes a bisa den e kaso ku nan ta na altura di situashon na Venezuela, pero esaki no ta hustifiká e echo. Fiskal a pidi 12 luna di prizòn pa ámbos kliente di abogado mr. Martha, unda e abogado a pidi wes pa tene kuenta ku e situashon.

El a bisa ku e situashon na Venezuela, esta e echo ku tin dia e famia nan no por ni kome ta pone ku e venezolanonan ta bira desesperá i ta kometé e tipo di echonan aki. El a pidi wes pa baha e kastigu, mirando ku ya e akusadonan ta pasando den un sufrimentu.  Wes a bisa ku e ta bai di akuerdo ku e demanda di fiskal, esta pa kastigá nan 12 luna di prizòn inkondishonal.