Dafne Schippers a finalisá di kuater…. Shaunae Miller-Uibo a gana riba 200 meter na Birmingham

84
Shaunae Miller-Uibo a gana e kareda di 200 meter na Birmingham.
BIRMINGHAM – Shaunae Miller-Uibo di Bahamasa, ayera durante e kompetensia di Diamond League ku a tuma lugá na Birmingham, a sa di bai ku e viktoria riba e distansia di 200 meter.

Miller-Uibo a sa di ta superior na e britániko Dina Asher-Smith i Shelly-Ann Fraser-Pryce di Jamaica. E atleta di Bahamas a logra aselerá di un forma magnífiko riba e parti stret di e kareda i ta logra pasa Asher-Smith (22,36) pa bai ku e viktoria.

Fraser-Pryce a registrá un tempu di 22,50 sekònde. E hulandes Dafne Schippers a finalisá na di kuater lugá krusando e meta final den un tempu di 22,81 sekònde, kedando basta leu for di e ganadó.

Nadine Visser

Nadine Visser no ta alkansá e final 100 meter ku opstákulo:

Pa loke ta e atleta Nadine Visser, kosnan no a bai bon na Birmingham mirando ku e no a logra klasifiká pa e gran final 100 meter ku opstákulo.