Detenshon di grupo kriminal ku ta estafá un koperativa na Guatemala

85
E grupo tabata di un forma òf otro duna famia i amigunan fiansa sin kumpli ku rekisitonan nesesario.

GUATEMALA – E forsanan di seguridat i fiskal di Minister Públiko di Guatemala a kapturá un total di 15 integrante di un grupo kriminal pa froude kontra un koperativa na e departamento oksidental di Sacatepéquez.
E bosero polisial di e pais a indiká ku e detenshonnan aki a keda ehekutá via 14 entrada hudisial realisá na e munisipio nan di Santiago i San Juan Sacatepéquez.
A agregá ademas ku e struktura kriminal tabata operá via tres trahadó di un koperativa ku tabata risibí pago di nuebe partikular, ku tabata risibí krédito sin tin manera di kanselá esaki despues.
Segun investigashonnan di fiskalnan di e distrito di Sacatepéquez, e struktura a benefisiá di por lo ménos 892.695 quetzal, masoménos 115.934 dòler.
Segun investigashonnan, a bin saka afó ku e supuesto lider di e organisashon, José Raul Xox Sactic i e integrantenan di e komité di Aprobashon di Kredito, Luis Alberto Por Yucuté, Sonia Sactic Ixjotop, Mario David Mucur Cuc i Raul Ixjotop Camey, a fasilitá fiansanan pa famia i amigunan ku tabata presentá komo kliente sin ta kumpli ku e rekisitonan.