‘Esnan ku no ta disponé di plaka no ta elegibel pa drenta dil ku OM’

509
Plaka ku a keda konfiská.
WILLEMSTAD,— Mr. Martina tabata fuerte ayera den su defensa unda el a defendé e sospechoso de Andrade den kaso Troya, ku ta wòrdu sospechá di tabatin un entrada di 140 mion dòler na swaipmentu di dòler aki na Kòrsou.

E defensa a trese dilanti ayera den e kaso ku tin hopi inhustisia ku a tuma lugá den kaso troya i ku esaki no hustu. El a bisa ku e agente nan ta skucha kastigu di prizòn miéntras esnan ku ta elegibel pa drenta dil ku OM i paga no ta skucha demanda di prizòn.

Loke sigur a hala atenshon den defensa di abogado mr. Martina, ta e echo ku su kliente no ta den e grupito ku por a drenta dil ku Ministerio Públiko. Segun e abogado ku su kliente no tabata elegibel pa drenta dil ku Ministerio Públiko mirando ku e no tabata disponé di sèn. Mr. Martina a bisa ku famia Grynsztein a logra drenta dil ku Ministerio Públiko pa keda for di prizòn i paga bèk, pasó nan si tabatin plaka e momentu ei i tabata disponé di un manera pa yega na plaka pa paga bèk.

E abogado a bisa ku su kliente no ta eligibel pa drenta dil i keda for di prizòn mirando ku e no ta disponé di plaka. Mas aleu el a trese dilanti ku Itzhak nan ku si por a yega na plaka, a yega na dil miéntras su kliente ku tabatin ménos di mitar di loke Itzhak nan tabata gana a skucha demanda di 3 aña prizòn.