Ladronnan a destruí basta kos den kas na The Bottomweg

Durante akto di ladronisia

265
Kas na The Bottomweg unda  ladron a drenta bai ku algun artíkulo.
A bòltu tur kos den sala buskando artíkulonan di balor.
A destruí asta palu ku ta wanta e kolchon pa wak si ta haña kos pa hòrta bou di kama.
Willemstad— Polis mester a bai ayera den oranan di mainta na un kas den The Bottomweg pa un kaso di ladronisia i basta destrukshon kometé den e kas.

Habitantenan di e kas den The Bottomweg a sali nan kas un ratu pa asina por a bai kumpli ku algun diligensia. Na nan regreso nan a bin tuma nota ku nan porta di kas tabata habri kual nan ser’é na momento ku nan a bandoná e kas.

A bai asta den plafon pa wak ku tin kos pa kue.

Ora ku a bai wak mas mihó a tuma nota ku esaki a wòrdu di bres pa deskonosínan. Durante di nan ousensia ladron a drenta den nan  kas i a kometé un ravage. A bòltu tur kos den e kas buskando di artíkulonan di balor. A destruí kashinan, kama i asta a bres plafon pa asina por a wak den esaki.  Na final a bin tuma nota ku a bai ku flatscreen, kòmpiuter i tambe sèn. Keho a ser entrega na Polis miéntras a pidi presensia di e tim forensiko di polis pa asina por a hasi e demas investigashon na e sitio.