Nigel Robertha tambe a konfirmá su presensia pa ta ku nos selekshon

154
Nigel Robertha.
WILLEMSTAD—E futbolista Nigel Robertha tambe a konfirmá su presensia pa ta ku nos selekshon nashonal di futbòl próksimamente.

Ta trata aki di un atakante di 21 aña di edat, kende ta hunga den e liga máksimo di futbòl na Bulgaria, pa e ekipo di Levski Sofia. Un ke otro despues ku tabata na yüli último, ku e la yega na un akuerdo pa 2 temporada ku e ekipo.

Esaki despues di tabata den futbòl na Hulanda ku e ekipo di SC Cambuur, despues ku primeramente e tabata parti di e kategoria hubenil di Feyenoord. Nigel tabata tambe parti di e selekshonnan hubenil hulandes.

Pues otro bon notisia, despues ku ya e siman a habri ku e mediokampista Juninho Bacuna anunsiando su yegada. Ámbos lo bai ta na Kòrsou próksimamente, unda na inisio di sèptèmber benidero, Kòrsou topa ku Haiti, den wega bálido pa Nations League. Esaki riba djasabra dia 7 sèptèmber 2019, den Stadion Ergilio Hato.

Miéntras tantu ta pendiente tambe pa mas kara nobo, pa nos ekipo nashonal di futbòl, dirigí pa tékniko Remko Bicentini. Esaki unda ta pendiente pa un ora pa otro tuma i anunsiá e desishon pa tambe djòin nos selekshon.

Despues di un den mediokampo i otro den e parti ofensivo, ta pendiente pa unu pa e liña defensivo tambe.