Ocho funshonario polisial suspendé pa poseshon droga

94
kuerpo polisial Amsterdam a suspendé 15 funshonario den último tres luna
AMSTERDAM—Hefe polisial di unidat di polis Amsterdam a suspende 4 funshonario polisial i pone 4 otro for di funshon pa inkumplimentu.

E funshonarion polisial tabata den poseshon òf a usa droga den nan tempu liber segun un komunikado di polis. Bureau Veiligheid, Integriteit en Klachten di unidat di Amsterdam a start un investigashon disiplinario kontra e funshonarionan. E aña aki tabatin diferente agente na Amsterdam ku a faya ku nan deber. Dia 8 yüli a detené un funshonario polisial riba sospecho di korupshon i violashon di sekresia profeshonal. Dia 26 yüni a suspendé un agente pa mesun motibunan i dia 27 yüni a suspendé un funshonario riba sospecho di uso/poseshon droga. Algun siman promé kuater agente polisial a haña suspenshon pa diferente motibu.