Wes a haña SMS nan entre Nini i Jorge kondenabel

369
Fiskal ku tabatin enkargo di e kaso.
WILLEMSTAD,—- Ayera durante e sentensia wes mr. van Lieshout a trese dilanti ku tabatin basta kombersashon entre Nini i Jorge unda tabata papia di un trabou, pero no tin niun prueba ku Nini lo a hasi un trabou pa Jorge.

El a bisa ku un di e trahadó nan a deklará den e kaso aki ku el a haña òrdu di Jorge Jamaloodin pa traha un rapòrt falsu, pa hasi komo si fuera Nini a bin solisitá pa traha na su negoshi. Tabata basta mensahe entre Nini i Fonseca, unda esakinan sigur a yuda wes yega na e kondena di 28 aña.

Loke wes a kuestioná ta e echo ku Jorge lo a bisa Nini un dia promé ku e asesinato, ku el a haña un trabou di 4 ora pe. Segun korte Nini i Jorge lo a papia di algun unifòrm unda Nini lo a bisa Jorge ku tin e unifòrmnan i ta kla pa traha. Tabata aki ku Jorge lo a bisa Fonseca pa pasa serka dje na kas.

Tambe Jorge lo a bisa Nini ku un hende lo a laga mensahe atras i pa Nini pasa serka dje na kas pa e bisé di esaki. Jorge mesora a bisa Nini pa pasa serka dje na kas pa papia tokante esaki. Wes a konkluí ku e unifòrmnan tabata e persona nan ku mester a bai ehekutá e kaso asesinato i ku ta esaki Nini tabata trata na splika Jorge, esta ku el a haña persona pa ehekutá e trabou.

Segun e wes ku e kombersashonnan entre Nini i Jorge no a wòrdu argumentá sufisiente, esta ku esakinan tambe por wòrdu uzá komo prueba kontra jorge. Esakinan tambe tabata forma parti di e prueba nan ku a kondená Jorge na 28 aña.