Trio atrakadó ta hisa kaha di plaka blo bashí bai kuné

2587
E mesun negoshi kada bes ta wòrdu atraká.
Polis tumando deklarashon serka e víktima chines ku a wòrdu atraká.

Willemstad—- Polis un biaha mas mester a bai na Eleven Minimarket den Elmesstraat pa otro kaso di atrako.

Tape ku a ser usa pa por a tape e chines su mannan.
A basha basta kos abou den e negoshi.

Tabata den oranan trempan di mainta algun ratu ku Eleven Minimarket na Elmesstraat mester a kaba di habri ku tres tipo kara tapa ku arma den man mester a kore drenta e negoshi. Ku arma a menasa e chines i a tape esaki su man pa asina por a kue e kaha di plaka i tambe a bai ku e grabador di e kámaranan. A bi resultá kue kaha di plaka tabata blo bashí debí ku no ta masha ratu e negoshi a habri i ainda e benta no tabata masha. Polis  a bai na e sitio i tambe a pidi asistensia di e  tim di atrako pa por kontinuá ku e investigashon.