Aparentemente promotor na Hulanda ke dal dos stap patras

365
No ta sigur ku nan ta bai presentá na Hulanda den luna di novèmber.     
WILLEMSTAD,—-Di informashon ku ‘E Mulina’, a risibí direktamente for di Hulanda ta bisa ku e gira di agrupashon musikal Sabor “S.O.” Original no ta 100% sigur ku esaki ta bai tuma lugá. Nos a haña informashon ku e promotor ku mester bai ku e banda tera friu ta pensando pa wanta un ratu ku esaki.

Manera ku e informashon a drenta na mesa di redakshon di ‘E Mulina’, den mes un rosea ‘E Mulina’, a drenta den kontakto ku Win Palu ku ta un di e kabesante nan di e banda ariba menshoná. T’asina ku manera ya kustumber Wim Palu no ta kontesta ‘E Mulina’, su yamada.

Mas despues ‘E Mulina’, a drenta den kontakto ku Jhonny B, pa asina nos tende su banda di medaya di presentashon di su agrupashon musikal den luna di novèmber na Hulanda, mester bisa si ku Jhonny B manera semper si ta kontesta nos yamada, mes ora ‘E Mulina’, a bisa e kantante di e informashon ku nos ta disponé di dje. Tasina ku Jhonny B a bisa ‘E Mulina’, ku “Nos ta wardando riba kontesta di e promotor nan di Hulanda, nos ta kla pa subi riba e lugá na ki momentu ku presentá”.

‘E Mulina’, mester a duna Jhonny B tur rason di mundu, paso di bèrdat e problema no ta sinta na e agrupashon musikal Sabor “S.O.” Original, pero esaki ta sinta 100% na e promotor ku tin ku manda buska e banda pa esaki presentá na Hulanda, pues si dado kaso mes e gira di “S.O.” ku mester bai tuma lugá dia 23 di novèmber no bai dor, djis kòrda ki esaki no ta falta di e banda, pero ta falta di e promotor ku mester manda buska e banda.