Bauco ta pone su promé piesa nobo na papiamentu riba merkado  

124
Ayera su piesa nobo “Snakes” a kuminsá zona na diferente radio emisora lokal.

WILLEMSTAD,—-For di chikitu hopi hende a mira ku e hóben Xechell Hesron Juan Jacobs tin tur kos pa den futuro bira un artista grandi i ku e lo bai saka kara di Kòrsou riba plano internashonal. Mester bisa ku awor e hóben Xechell su soño ta birando realidat.

 T’asina ku despues di su track promoshonal “Llamame”, i un feature den “La favorita en mi cama”, Bauco a lansa otro kansion- su promé den idioma materno. E piesa “Snakes” ta inspirá riba e pensamentu ”Tur dia Papia ku Dios, P’e Kosnan bai mas mihó”. Un piesa ritmo ‘trap’ produsí pa TuneParagon .

E piesa ta papia di – wak ken bo tin den bo kring, ken ta rondó dibo, i wak bon ken ta konfia. Un ángulo ya konosí, i diferente bes eksplorá. Sinembargo Bauco ta trese e tópiko dilanti di un manera kompletamente diferente. Pa Bauco esaki ta otro oportunidat di presentá su mes na su públiko lokal.

 Manera tur hende sá Bauco ta pertenesé na e kas di produkshon Decoded, i pa 80% ta konsentrá riba merkado internashonal. Ta nifiká ku un piesa na papiamentu pa Bauco tin sentimentu profundo. Trabounan ta kontinuá pendiente pa lansa un piesa mundial ku e artista Lirico En La Casa konosí pa diferente hit, entre nan ‘Motorcito’ ku 48 mion views riba Youtube i un kanal ku ta konta ku un oudiensia di 791 mil fanátiko. E piesa ‘Te Mentí’ lo keda lansá den sèptèmber di 2019. Pa awor aki fanátiko nan di Bauco por disfrutá di e video clip “Snakes” produsí dor di Decoded. Por sigui e moveshonnan di Bauco riba su Instagram/ Facebook/ SnapChat bauco.cr Tur artista di Decoded por wòrdu siguí riba e Youtube Channel, Facebook, Instagram i SnapChat @decodedofficial. Por stream e piesanan riba iTunes, Spotify, Tidal i Apple Music tambe.